Rehabilitimi i linjës ekzistuese hekurudhore Durrës – Tiranë dhe ndërtimi i segmentit të ri Domje I/C – Rinas do të mundësojë një shërbim transporti hekurudhor më të shpejtë dhe më të rregullt midis Tiranës, Durrësit dhe Aeroportit “Nënë Tereza” dhe do të përmirësojë aksesin në zonat përreth linjës.

Do rehabilitohen 34.2 km të trasesë së bashku me stacionet ekzistuese dhe do të ndërtohet Terminali i ri i Transportit Publik ( TTP ) të Tiranës si një nyje multi-modale e transportit publik të Tiranës. Gjithashtu do të ndërtohet 4.7 km segmenti i ri hekurudhor Domje I/C – Rinas së bashku me Terminalin e ri të Rinasit dhe një stacion të ri në zonën e Universitetit Epoka. Ky segment do të mundësojë lidhjen me Aeroportin Ndërkombëtar të Tiranës.

Për të garantuar lëvizjen e papenguar të trenave dhe sigurinë e qytetarëve, e gjithë traseja e linjës hekurudhore, përveç kalimeve të autorizuara, do të rrethohet me gardh mbrojtës. Kjo do të bëjë që të mbyllen 9 vendkalime të paautorizuara ( shih hartën ).